TATA IBADAH GKPS

TATA IBADAH PESTA OLOB-OLOB  116 TAHUN INJIL I SIMALUNGUN

                                                                                                   

TEMA                 : IBOHALI MANGHOBASKON HORJA NA MADEAR (2 Timoteus 3:17)

SUB TEMA        : “Pasirsir, bohali ma kuria in totap marguru bani podah ampa ajaran

                              ni Kristus, ase jonam, toguh, marurat, marbuah ibagas pangarusion

                              ampa habotohon pasal Kristus sipaluah in” (Kolose 2:7, lahoanni

                               apostel 17:23; 1Korint.7:17-20)

A. PERSIAPAN

B. IBADAH

1. Prosesi        : Pengurus resort, Perutusan sinode bolon, Pimpinan Jemaat,  Pengurus seksi  

   jemaat, Petugas Kebaktian.

 (Barisan Prosesi isambut tortor)

2. Praeludium

Mandoding Hal. No. 499:1-2

1)        Panorang olob-olob, sai roh ma hita ganupan riap ma mangolobkon

Ambilan na ondos banta, domma lihar nuan ganup i kehen in, ‘ge i huluan  inma kuasa ni hata-Ni Tuhan in, mandilo hita

2)      Hata ni Naibatanta, do mambaen mangasup hita,  bani sagala horja,

na dear bani Tuhanta, domma lihar nuan ganup i kehen in, ‘ge i huluan           

inma kuasa ni hata-Ni Tuhan in, mandilo hita

3. Votum-Introitus-Tonggo (Jong-jong Kuria)

P      :Ibagas goran ni Naibata Bapa, Anak pakon Tonduy Napansing, Sitompa langit pakon tanoh on.

P+K : Amen.

P      :Puji Hita ma Naibata marhasoman olob-olob ampa tarimakasih

K     : (idodingkon songon doding deideng).) In ma kuasani hataNi Tuhan in, mandilo hita.

P      : Puji hita ma Tuhanta, na manompa haganup tanoh on. Jenges do ibahen haganup   domu hubani idop ni uhurNi.

K     : Tanoh, laut sonai ge dolog riris marsikawahan, pakon suan-suanan mambaritahon  janah manaksihon goranNi na marmulia in, ibaritahon natinompaNi do haganup  pambahenan ni Naibata, halani ai patut do hita manramotkon ganup tinompaNi.

P      :  Puji Hita ma Naibata marhasoman olob-olob ampa tarimakasih.

K     :  (idodingkon) In ma kuasani hataNi Tuhan in, mandilo hita

P      : Puji hita ma Naibata, na mambere Jesus Kristus na gabe Sipaluah. Gabe ididah hita  haluahon na humbani Naibata. Bani do tene hasangapon in, hamuliaon in, sonari ronsi sadokahni dokahni.

K       : Haganupan tanoh, laut pakon haganup suan-suanan manaksihon goranNi              na mapansing in, ibaritahon natinompaNi in do haganup pambahenan ni Naibata.

P      : Puji hita ma Naibata marhasoman olob-olob ampa tarimakasih

K      : (idodingkon) In ma kuasani hataNi Tuhan in, mandilo hita

P      : Maruhur holong ma hita, ai parlobei do Ia mangkaholongi hita, Haleluya, Haleluya,       

          Haleluya.

    P + K: (Mandodingkon Haleluya No. 408:1)

               Haleluya Puji ma Tuhan, pasangap marhiteihon gonrang na laingan

               Irandu inggou na lurlur homa tangaron

               Dodingkon ma doding na baru, puji ma Ia bai hotak ni na i babou,

               Janah olobkon ma riap marmalas uhur,

             Reff…  Sai tarbarita baen goranNi, gok halongangan ganup jadi-jadianNi

                        Puji Tuhan Haleluya

P          : Martonggo ma hita!

Ham Tuhan Naibata, tarima kasih ma Bamu, Ham do Tuhan Alpha pakon Omega. Bani pesta pardingatan bani pardasni Ambilan Na Madear na pa 116 tahunkon  i Simalungun on, iahapkon hanami do idopni uhurMu na mamilih hanami gabe halak Kristen. Malas do uhur nami ale Tuhan, halani gabe panean hanami bani haluahon in. Halani ai tarima kasih ma Bamu Tuhan, na dob manondangi huta nami on, janah lang tartuju hubani hagolapan in langkah ni kuriaMu Tuhan. HuBamu ma hasangapon, huBamu ma iondoskon hanami pamujion nami, hasomani Ham ma hanami Tuhan, ibagas Jesus Kristus Tuhan nami. Amen (hundul kuria).

4. Mandoding Haleluya 402: 1-2

Pujima Naibatanta, bai ianan napansingNi in, bai paratas hamuliaonNi in

Haleluya, haleluya pujima Naibata

Pasangap ma goranNi halani pambahenanNi in, ampakon hagogohonNi in

Haleluya, haleluya pasangap Naibata

Reff..   Pahata ma tarompit ge arbab pe irandu pakon gonrang husapi pe

                        Irik homa sarunei ge sordam pe sonai ampakon ogung marolol bei

            Pujima rumbuk ma baen parhata ni parugas in

            Sombahma! marhiteihon ni doding na lurlur ijin

Pujima Naibatanta Sipargogoh na tarsulur in parsimada harajaon in

Haleluya, haleluya puji ma Naibata

Pasangap ma goranNi, ale ganup namarhosah in ningon rup ma mamuji ijin

Haleluya, haleluya, pasangap Naibata

Reff: …..

6. Tonggo mangindo hasasapan ni dousa (jongjong kuria = intro sulim)

P    : Ale Tuhan Jahowa, Bapa nami na i surga, roh do nuan hanami marsombah hubaMu, mansopotkon dosa nami na buei ilobeiMu, idop ma uhurMu bannami.

D   : Loppah bunga ni dulang rurus hu bona ni tanggiang,

         Domma dokah manangar hatani Tuhan lo inang, ringis simburu do marian

         Ale…

N   : Rappis ma lo garenda lo bapa, pangasahan i Tigarunggu…

        Jenges riris do namin gareja lo bapa otik do tong na roh marminggu…

         Ale…

K   : (mandodingkon songon lagu Deideng)

         Tuhan, idop ma uhurMu bannami pardousa on

Intro sulim….

D   :  Dalan hu tigarunggu lo inang, bahat do duri-duri…

         Anggo domma marminggu lo inang, tadingkon hita ma judi…

         Ale…

N   :  Andor ni gadung julur lo bapa, jenges bahen anduri…

         Paubah hita uhurta lo bapa tadingkon hita ma judi…

         Ale…

 K  : (mandodingkon songon lagu Deideng)

         Tuhan, idop ma uhurMu bannami pardousa on

Intro sulim….

D   :  Anggo i Partimbalan lo inang morga palegan-legan

         Anggo domma marTuhan lo inang ulang manukkun be bani nalegan…

        Ale….

N   : Panrinjaou gari dulang lo bapa, tubuh i Partimbalan

        Pangindo bani Tuhan lo bapa, ulang mangindo bani legan….

        Ale…

K   : (mandodingkon songon lagu Deideng)

         Tuhan, idop ma uhurMu bannami pardousa on

Intro sulim….

D   : Horsik ni Partinjowan lo inang, jumpah i pinggan pasu

        Paborsih Ham uhur nami lo Tuhan ase talup gabe pasu-pasu

         Ale…

N   : Hayu ni dolog-dolog lo bapa iboan hu Lias Baru

        Domma marolob-olob hanami Tuhan, juppah ma goluh na bayu….

         Nai ma tongon…

Intro sulim alo sidoding

P       : Hatani Naibata bagah-bagah pasal hasasapan ni dousa!

                Martuah ma halak na dob sinasap panlanggaronni, na dob nirungkub dousani. Martuah ma halak anggo seng ihira Jahowa bani hajahaton! Hasangapon ma bani Naibata i babou.

K       :  (riap mandodingkon pakon manortorhon bani ni bei)

         Olob kon hita idop uhur ni Tuhan in, olob kon hita haleluya….

         Ida horas ma hita ganupan hita on, ida juppahan idop ni uhur…

         Olob kon hita idop uhur ni Tuhan in, olob kon hita haleluya….

8. Mandoding Haleluya 488: 1-3 (sambil manaruhkon siluah)

Pesta bolon marpariama, ganup hasoman parjuma in

In ma da na ringgas marhorja manuan omei i juma in

Sai marmegah mangolobkon, goranNi Tuhanta in

Parsimada bai hagoluhan, idop ni uhur tumang do in

      Pesta bolon marpariama, na mangirikkon Tuhanta in

      In ma da na ringgas marhorja mangambilankon hataNi in

      Sai marmegah mangolobkon, goranNi Tuhanta in

      Parsimada bai haluahon, idop ni uhur tumang do in

Pesta bolon marpariama, ganup na bujur maruhur in

In ma da na ringgas marhorja, manuan holong bai jolma in

Sai marmegah mangolobkon, goranNi Tuhanta in

Parsimada bai haluahon, idop ni uhur tumang do in

           

9.  Hata Haporsayaon

10. Acara Khusus

             a.  Mambasa Surat Tongosan Pimpinan Pusat GKPS

             c. Tonggo Pangapition

11. Refleksi olob-olob 

Parhorja:  Marhitei perayaan olob-olob bani sadarion, lambin tangkas ma bangku sonaha   

                    marhorja Tuhan na markuasa laho mambobai jolma hubani huhadearan.   

                    mardingat Pardasni Ambilan Na Madear i tanoh Simalungun ronsi sonari 116 tahun

                  ma injil das hubani halak simalungun, domma mamboan buei hamajuon i tongah-

                  tongah ni halak Simalungun sonai age pola pikir na sapari                  

                  domma ipaubah Naibata gabe maruhur songon na iharoushkon Kristus.  Marolob-

                    olog do uhurhu bani na dob das Ambilan in hubangku.

Bapa      :  Marolob-olob anjaha marmalas ni uhur do ahu bani haganupan na madear ibahen   

                   Tuhan ibagas goluhku, Ipodahi Hata ni Tuhan in do hita bani haganupan 

                   sihorjahononta, ipinsang do hita bani sagala horja na so madear, ipauli-uli do na

                   dob maseda anjaha itogu do homa na kahou ase jumpahan hagoluhan. Haganupan

                   in pataridahkon bahasa Hata-Ni Tuhan in mandoudou haganup aspek, sedo pitah  

                   kecerdasan spritual (partonduyon) tapi dihut do kecerdasan emosional ampa  

                   kecerdasan intelektual. Tarimakasih ma hubani Tuhan! Marolob-olob do ahu.

Inang     : Mangkasiholhon Hata-Ni Tuhan na lang boi ganggang humbani pargoluhonta.

                   Halani ai, roh ma hita hubani Tuhanta. Ia do harorohni malasni uhur banta. Lang

                 adong na legan na boi mambere malas ni uhur banta leganni Ia na manghaholongi

                 hita, aima Kristus Jesus Tuhanta in.

Pemuda: ibotoh hanami ma homa, halani Hata ni Tuhan na dob das hubani simalungun, dihut

                   do hanami pemuda-pemudi manjalo pakon mangahapkon holongni Tuhan na  

                 banggal in marhitei hata-Ni na paubahkon anjaha na mambare haluahon

                 hubennami. Marolob-olob do hanami!

Asm       : Totap ma ibohali hita dirinta bani Hata-Ni Tuhanta. Anggo domma tarbohali hita 

                  bani Hata-Ni, lang tarbahen lang tarhorjahon hita do sagala na madear. Amin   

                 (hundul)

12. Mandoding “Rigapankin” (2 x idodingkon)

Dalahi         : Anggo hupikkiri goluhkon i lobeiNi Tuhan Naibata

  Buei tumang pasu-pasuMu, janah lang tarbilang holongMu

Naboru        : Lang margogoh au daoh hum Bamu, goluhkon igomgom tonduyMu

  Anggo hukawah hu langit na gijang ijai do Ham, ijai do Ham

Ganup         : Anggo au bai na kahou sondangMu ma rigapankin

                     Anggo au hu lombang in idopMu manogu au on

                     Lang ra be au manadingkon Ham Tuhankin

                     Lang ra be au daoh hun lambungMu Tuhan

13. Ambilan

14. Galangan:

P      :  Paima iondoskon hita galanganta, tangar hita ma lobei hatani Naibata na gabe onjolan banta laho manggalang, aima na tarsurat bani: Jona 2:10, “Tapi anggo ahu marhasoman sora puji-pujian do ahu manggalang Bamu, galaronku do na dob hubagahkon. Bani Jahowa do haluahon”. Sonari ondoskon hita ma galanganta!

14. Mandoding “Diatei Tupa Ma” (irik patumpu galangan)

       Diatei tupa ma sombahku hu Bamu Tuhan halani holongMu Ham parsimada au

       Huboban hu Bamu daging pa tonduyhin na gabe galangan parsombahon Bamu

       Lang dong tarbahen au na patut hu Bamu, ai pitah on Tuhan na targalangkon au

       Hupindo hu Bamu sai holong ateiMu, sai jalo Ham Tuhan galanganku on

       Sai pakei Ham ma au gabe parugasMu sadokah goluhkon

15. Tonggo Galangan-Tonggo Riap-Pasu-pasu (jongjong Kuria)

P        : Tarimakasih ma Bamu Tuhan, halani idop ni uhurMu boi hanami marsaor pakon Ham  i bagas Ibadah Olob-olob 116 tahun pardasni ambilan na madear i nagori Simalungun. Diatei tupa ma Bamu Tuhan na dob manondangi hanami, na dob mamilih hanami gabe panean harajaonMu. Tuhan, ajari Ham ma hanami ase totap hanami  manggalangkon hadirion nami, janah ase totap orod hanami Bamu, marhitei TonduyMu, Tonduy Napansing, halani domma tongon i sondangi idopni uhurMu hanami i bagas na 116 tahun on. HolongMu inma na manghasomani pargoluhan nami. Jalo Ham ma galangan nami on Tuhan, na i padas hanami i bagas goranni AnakMu Jesus Kristus Tuhan nami. Amen

P        : Sagala dalan ni Jahowa, idop ni uhur do ai bani halak na manramotkon padanNi. Domma das Hata Mu 116  tahun bennami, in do tongon dalan, hasintongan pakon hagoluhan.

Bapa  : Sai togu Ham ma ahu hubagas hasintonganMu, Ham do Naibata   

     hatuahonku.  Ase   boi homa ahu mambobahon kelurgaku mambalosi Ham Jahowa

  P        : Sai marmalas ni uhur anjaha marolob-olob ma ganup halak na mangkasiholi

   hapintoranMu.

 Wanita : Ham Jahowa do gogoh pakon gantarhu, huBamu ma tongtong mangarap          uhurhu. Ase gok hapentaran janah gabe pasu-pasu ahu bani keluargaku

     P          :       Marjaga do malekat ni Jahowa inggot bani na mangkabiariSi.

   Pmd     : Halani ai, hobas ma hita mandalankon Hata ni Tuhan ase matoras anjaha    

                   gokan  dear  ibagas haporsayaon hubani Jesus Kristus Tuhanta.

    P         : Sir-sir ma hita mandalankon Hata ni Tuhan in laho mambobai dakdanak in                                  marbanggal ibagas hataNi Tuhan.

    S.M     : Bobai anjaha ajari nasiam ma hanami marbanggal ibagas Hata ni Tuhan.

P         : Laho ma hita mangarahkon hasomanta, ase lambin mangondoskon goluhni     

       hubani  Tuhan. Totap ma Tuhan Sipambobai bani goluhta, i tongah-tongahni

   keluarganta ase  itanda dunia on horjanta na madear anjaha dihut sidea mamuji

   Naibatanta na i nagori atas in.

P   : Martonggo ma hita mangondoskon galangan ta hubani Naibata!  Ham Bapa na mamasu-masu pargoluhan nami siganup ari, jalo Ham ma galangan na sinombahkon nami on. On ma buahni horja nami na pinasu-pasu Mu in. Haganup na adong bennami, hun Bamu do harohanni janah Ham do simada in haganup. Janah huBamu do isombahkon hanami ganup in, bahen hasangapon pakon pararathon harajaonMu i dunia on. Amen

Ham Bapa nami na i nagori atas............................

P + J    : (MANDODINGKON) Ai ham do simada harajaon, pakon hagogohon ampa                    hasangapon sadokahni dokahni, amen.

P         :  Pasu – pasu

16. Postledium

       J        : (MANDODINGKON) Amen, Amen, Amen!

                   (MANDODINGKON 2 X) Amen hupuji Ham Tuhan

                                                            Amen hupuji Ham Tuhan

                                                            Amen, amen, amen, amen

                                                            Amen hupuji Ham Tuhan

17. Tingting Kuria-kuria

Selamat Olob-olob

Tuhan Jesus Mamasu-masu Hita Haganupan…………….!!!!

Catatan.

Acara olob-olob boi iubah domu hubani situasi