1.
3 Musa 14: 18
Ia minak na tading ai ope ibagas tangan ni
malim ai, inahkon ma ai bani ulu ni halak siurason ai; ase sonai ma malim ai
mambahen pardearan bani i lobei ni Jahowa.
2. 5 Musa 31:6
Tenger ma uhur nasiam anjaha marsijoloman,
ulang ma mabiar anjaha gobir mangidah sidea, ai Jahowa Naibatamu do hasomanmu
mardalan; seng anjai paturuton-Ni anjaha tadingkonon-Ni ham.”
3. Job 42:2
“Sonari pe ase hubotoh marguru Bamu do
ganup, anjaha seng tarlanglangi sura-sura ni uhur-Mu age sada.
4.
Psalmen
1:1-2
1:1Martuah ma halak na so ra mangihutkon riah ni halak parjahat, na
so ra jongjong bani dalan ni pardousa, anjaha na so ra hundul bani tumpuan ni
halak siparrisai.
1:2Tapi titah ni Jahowa do harosuh ni uhurni, sai titah-Ni ai do
ipingkiri arian pakon borngin.
5. Psalmen 23: 1
Psalm ni si Daud. Jahowa do siparmahan ahu,
seng anjai hurangan ahu
6. Psalmen 27: 1
Humbani si Daud. Jahowa do panondang pakon
haluahon bangku, mintor bani ise ma mabiar ahu? Jahowa do batar-batar ni
goluhku, bani ise ma ahu gobir?
7. Psalmen 46: 2
Halani ai seng anjai mabiar hita, age pe
mosor tanoh on, anjaha munjom dolog hu tongah-tongah ni laut.
8. Psalmen 139:23-24
139:23Pareksa Ham ma ahu, ale Naibata, anjaha tanda Ham ma uhurhu! Uji
Ham ma anjaha tanda Ham ma pingkiranku!
139:24Kawahkon Ham ma atap dong mardalan ahu bani dalan hamagouan; togu
Ham ma ahu bani dalan sisadokah ni dokahni.
9. Parambilan 3:11
Haganupan ipauli do jenges bani panorangni;
sonai homa uhur pasal sisadokah ni dokahni ibere hubagas uhur ni sidea, tapi
seng tardadap jolma in pambahenan, na binahen ni Naibata humbani mulani das
bani ujungni.
10. Jesaya 1: 18
Roh ma hanima, ase marturiak hita, nini
Jahowa. Age pe gerger dousanima songon bunga ni dapdap lopak do bahenon-Ku ai
songon salju, age pe gerger songon hiou hasumba, putih do bahenon-Ku ai songon
kapas.
11. Jesaya 59:1-2
59:1Tonggor
ma, seng na hurang ganjang tangan ni Jahowa laho mangurupi, anjaha seng
marhapal pinggol-Ni laho manangihon;
59:2tapi
hajahatonnima do tene manirang hanima humbani Naibatanima, anjaha dousanima
mambahen lingod bohi-Ni hu bannima, gabe seng itangihon hanima
12. Jeremia 29:11
Ai Hubotoh do torang sura-surang-Ku pasal
hanima,” nini Jahowa, “Ai ma sura-sura hadearon, sedo hamagouan, laho
parsirsirhon bannima parsaud ni na niarapkonnima.
13. Tangis-tangis 3:22-23
3:22Idop
ni uhur ni Jahowa do na so ra marpunsa, seng marnarotap holong ni atei-Ni.
3:23Mulak
ratah do ai siap sogod, banggal do habonaron-Mu.
14. Hesekiel 36:26
Berehonon-Ku do bannima uhur na bayu,
anjaha tonduy na bayu do nahkonon hubagas dirinima; buaton-Ku do uhur batu
humbagas angkulanima, anjaha uhur na marpangahapan do berehonon-Ku bannima.
15. Mika 6:8
Domma ipabotohkon bam ale jolma, barang aha
na madear ampa barang aha na pinindahan ni Jahowa humbam, ai ma na mangkorjahon
hasintongan ampa na mandalankon halayakon anjaha marparlahou ibagas toruh ni
uhur i lobei ni Naibatamu.
16. Matius 5:16
Sonai ma marsinalsal panondangnima i lobei
ni halak, ase ididah horjanima na dear in, ase ipuji sidea Bapanima na i nagori
atas in.”
17. Matius 7: 7-8
7:7“Pindo hanima ma, sai na bereon-Ni do bannima, pindahi hanima ma,
sai na jumpahan do hanima, hartuki hanima ma, sai na bukaon-Ni do bannima.
7:8Ai sai na manjalo do na mangindo, jumpahan na mangindahi, anjaha
ungkabon bani na mangkartuki.
18. Matius 7: 12
Sagala na pinindo ni uhurnima, sibahenon ni
halak bannima, ai ma bahen hanima bani sidea, ai in do hata ni titah ampa
nabi-nabi.”
19. Matius 10:16
“Husuruh do hanima songon biribiri hu
tongah-tongah ni begu, halani ai maruhur ma hanima songon ulog, anjaha bujur
songon asas.
20. Matius 28:19-20
28:19Laho
ma hanima, podahi hanima ma sagala bangsa, ase gabe susian-Ku sidea, anjaha
didi hanima ma sidea hubagas goran ni Bapa, Anak ampa Tonduy Na Pansing.
28:20Ajari
hanima ma sidea mangkorjahon sagala na dob Hutitahkon bennima. Tonggor ma, sai na
hasomanan-Ku do hanima ganup ari, ronsi roh ujung ni dunia on.”
21. Johanes 3:16
Ai sonon do holong ni uhur ni Naibata bani
dunia on, pala do Anak-Ni na sasada in iberehon, ase ulang magou ganup na
porsaya Bani, tapi ase hagoluhan na sadokah ni dokahni bani.
22. Johanes 14:6
Nini Jesus ma hu bani, “Ahu do dalan in
pakon hasintongan ampa hagoluhan. Seng dong na das hubani Bapa in, anggo seng
marhiteihon Ahu.
23. Roma 8:23
Ambah ni ai, age hita, na dob manjalo
limbuah ni Tonduy in, marhoih do ibagas uhurta, paima-imahon haanakon, ase
maluah pamatangta.
24.
1 Kor 10:13
Parlajouan na somal bani jolma do masa bani
nasiam, hatengeran do Naibata, seng paturuton-Ni nasiam lajouon lobih humbani
gogoh nasiam, tapi rap pakon parlajouan ai bahenon-Ni do homa hadobanni, ase
tartaron nasiam.
25. Jakobus 4:7
Ai pe, ondoskon nasiam ma diri nasiam bani
Naibata; lawan nasiam ma sibolis in, jadi maporus ma ia humbani nasiam.
26. Pilippi 4: 6-7
4:6Ulang ma haru uhur nasiam pasal atap aha pe, tapi pabotohkon
nasiam ma pangindoan nasiam bani Naibata marhasoman tonggo, elek-elek ampa
tarima kasih.
4:7Anjaha damei ni Naibata, na mangatasi haganup paruhuron, in ma
manramotkon uhur ampa pingkiran nasiam ibagas Kristus Jesus!
27. 1 Timotius. 4: 12
Ulang ma adong na marmapas ni uhur bam
halani haposoonmu, tapi gabe siusihan ma ham bani na porsaya, ibagas hata,
parlahou, holong ni uhur, haporsayaon age hapormanon.
28. 1 Petrus 3: 15
Tapi papansing nasiam ma Kristus Tuhan in
ibagas uhur nasiam, tongtong ma nasiam sirsir patorangkon bani haganup halak na
manungkun nasiam pasal onjolan ni pangarapan nasiam, tapi marhasoman lamlam
ampa hormat ma.
29. 1 Petrus 2: 9
Tapi marga na pinilih do nasiam, harajaon
hamalimon, bangsa na mapansing, bangsa ni Naibata sandiri, ase iambilankon
nasiam dear ni hauhuron-Ni, na dob mandilo nasiam humbani na golap hu
haliharon-Ni, na gok halongangan in.
30. Pangungkabon 3:20
Tonggor ma, na jongjong do Ahu i lobei ni
labah in mangkartuki. Atap ise na mambogei sorang-Ku anjaha iungkab labah ai,
masuk ma Ahu hu bani, mangan ma Ahu rap pakonsi, anjaha ia rap pakon Ahu.
