kotbah Galatia 1:11-18

                                       Mubah halani Panandaion ibagas Jesus Kristus

                                                     

                                                           Nats     : Galatia 1:11-18

I.     Parlobeini

Surat Galatia on isuratkon si Paulus hubani kuria na adong i Galatia. Tujuan si Paulus manuliskon surat on, aima na laho paluruskon ajaran-ajaran ampa tuduhan na lang sintong pasalsi,  halani adong piga-piga sipangajari ni halak Jahudi na mangagou pingkiranni kuria Galatia marhitei pengajaran-pengajaranni sidea. Pengajaran ai mambahen buei kuria na i Galatia murtad. Paulus sihol ase ulang ra sidea targoda bani ajaran ni halak Jahudi na menekanhon pasal hal-hal lahiriah tumang lang secara batiniah. Aima na gabe tujuan isuratkon si Paulus surat on hu kuria Galatia.

II.  Hatorangan ni Teks

Domma itangar si Paulus bahasa buei halak na mangagou ampa mansedai haporsayaon ni halak na porsaya bani panorang ijia. Pengajaran-pengajaran ai, aima pasal idop niuhur, sunat, pakon  titah na gabe syarat haluahon. Pangajaron na legan, aima na meraguhon hajongjonganni si Paulus selaku apostel. On ma homa na ipakei halak  Jahudi manentang si Paulus pakon mangambati horjani, na mempengaruhi pangidangionni i Galatia. Lang sip anjaha ipaturup si Paulus lambin dokah lambin buei halak na manadingkon Kristus halani pangajarion na sisonai ai. Halani ai, Paulus roh marhitei surat ni na laho patoguhkon uhur ampa haporsayaon ni sidea, ase totap maronjolan hubani pangajarion Tuhan Jesus Kristus pasal maluah halani pitah idop ni uhur. Pasal hajongjonganni selaku apostel bani ayat 11-18, lang pala marganjang-ganjang Paulus patoranghon sonaha do dalanni ia mangkatahon dirini gabe apostel na pasti pengalaman rohani na ialamisi sudah cukup meyakinhon ia gabe sahalak apostel, boi ididah humbani hatoranganni, aima:

1.      Ayat 11-12: Ambilan na i baritahonni lang humbani jolma atap marguru bani jolma, tapi marhitei pangungkabon ni Jesus Kristus (Lah. 9:1-19). Ambilan ai ijalosi marhitei  Jesus Kristus sandiri paungkabhon hubani, marhitei sada pengalaman rohani na luar biasa.

2.      Ayat 13-14: Pengulangan kisah ni si Paulus paima bertobat, aima halak na jahat, na marparburu ampa mampardakdak halak Kristen. Sahalak na domma marlajar bagas pasal titah, marbanggal magodang mandalankon hajahudian, ronsi kecintaanni bani ajaranni halak Jahudi pe homa bagas, mambahen ia semangat na laho pamagouhon halak Kristen. Aima ia nahinan ipatorangni tapi sonari domma berbeda.

3.      Ayat 15-16: Ungkapan tarimakasih ni si Paulus bani tindakan ni Jesus Kristus na mambobai ia hubagas idop ni uhur-Ni. Mangahapkon bahasa iperhitunghon Tuhan do hape ia na laho manjalohon haluahon pakon hasonangan ai. Ihamalaskonni do homa pandiloonNi Naibata hubani na laho mangambilankon idop ni uhur na domma ijalosi ai hubani halak sipajuh begu-begu. Horja pangidangion ni pe, lang homa atas persetujuan ni apostel-apostel na legan tapi aima halani ojur ampa parentahni Jesus Kristus na marsuruhsi, halani aido ihatahon bani kalimat na terakhir “ seng marguru ahu ijia bani daging ampa daroh”. Artini haapostelan ni si Paulus lang halani ijin atappe halani pengakuanni jolma tapi humbani dirini sandiri na domma mangidah buei hamuliaon ni Jesus Kristus. 

4.      Ayat 17-18 : Penegasan ulang pasal Ambilan na ibaritahonni ai, aima humbani pangungkabon nabinahenni Jesus Kristus, lang marlajar humbani apostel-apostel na parlobei hunbani. Halani ai do ihatahonni bani ayat on sanggah na domma manjalo pangungkabon ai, ia lang laho hu Jerusalem tapi hu tanoh Arab do. Maksud ni si Paulus ijon bahasa ase ulang adong na mangkatahon bahasa horja pangidangion ai, aima halani iguruhon hubani apostel  na legan anjaha gabe apostel aima halani ijin/pertimbangan ni sidea, tapi halani si Paulus domma mangidah, manaksihon kuasa, hamuliaonni Jesus Kristus na lang marbeda pangahapni pakon susian na legan. Mambahen ia dengan yakin dan berani mangkatahon dirini gabe sahalak apostel.

III.         Panutup/Hahonaanni

Marhitei teks ambilan on adong piga-piga pahara na penting na gabe refleksi : Parlobei, Tuhan boi paubahkon paruhuran ampa parlahou ni jolma marhitei Hata-Ni, Humbani Saulus gabe Paulus sebagai sada transformasi na luar biasa. Artini seng adong na lang mungkin boi ihorjahon Tuhan na laho paubahkon uhur ampa pingkiran ni jolma. Paduahon, buei do tantangan na idompakkon sahalak parhorja baik ma ai humbani luar dirini ampakon ibagas dirini sandiri, salah sada aima mempertanyakan identitas, ampa hajongjonganni selaku na domma ipilih Naibata gabe parhorja ni Tuhan. Keraguan ai ipataridah, aima marhitei sikap hidup na marosuh ampa gatinan ope mamparayak hal-hal duniawi. Patoluhon, pangidangionni halak na tardilo seharusni aima pangidangion na berdasar bani ungkapan rasa syukur bani idop ni uhur ni Naibata na domma mandilo, mamilih, ampa na manlayakkon gabe juak-juak-Ni. Lang halani pengakuan, penghargaan ampa pujian. Halani ai, ihaporluhon do komitmen, na laho manjaga semangat pangidangion ai, age buei hal-hal na sihol mangambati horja pangidangionta ai namin semangat pangidangion ai, ulang das moru/mintop, tapi lambin gara anjaha marsinalsal halani na mangkagoluhkon Hata ni Tuhan ai. Paompathon,  marosuh ope hita songon si Paulus na berani mangkatahon dirinta selaku juak-juak ni Tuhan halani kerinduan mambaritahon Ambilan na madear ai, atap lang be? Atap marosuh hita patandahon dirinta juak-juak ni Naibata halani mangayaki hatunggungan, hasangapon?.